Það er farið að hausta og skólar landsins aftur farnir að fyllast af frísku fólki á ný. Umferðin á morgnana er farin að þyngjast og er það fyrsta merki þess að haustið er komið. Með haustinu fara starfsmenn líka að mæta til vinnu á ný eftir sumarfrí og það á ekki síst við hér á skrifstofu félagsins. Fyrsta mál á dagskrá er nýr metsölulisti fyrir tímabilið 16. - 18. ágúst. Smellið hér til að sjá nýjasta metsölulistann.

Að þessu sinni er það Camilla Läckberg sem vermir efsta sætið með bók sína Vitavörðurinn. Engan skyldi undra efsta sæti uppsafnaða listans fyrir árið en þar situr Skýrsla Rannsóknarnefndar Alþingis sem fastast og hefur gert síðan skýrslan kom út.

Kíkið endilega á nýja listann en þar er einnig hægt að skoða gamla lista frá þessu ári. Njótið vel.